تخلیقات

منگل، 17 فروری، 2015

چاند کو بھی پگھلتے دیکھا ہے ۔۔ انور زاہدی

انور زاہدی

شام میں دن نکلتے دیکھا ہے

چاند کو بھی پگھلتے دیکھا ہے

اُس کی آنکھوں میں رات بھر پیہم

ایک سُورج اُجلتے دیکھا ہے

جنگلوں میں ہوا کو روتے سُنا

ساحلوں پہ مچلتے دیکھا ہے

نیم شب بے نوا مکانوں میں

آ رزووں کو پلتے دیکھا ہے

ا یک خواہش رہی بے نام انور

دل کو لیکن سنبھلتے دیکھا ہے

کوئی تبصرے نہیں:

ایک تبصرہ شائع کریں

دل درد آشنا ، افکارِ جدید کی شاعری تحریر:رضاالحق صدیقی

یہ کیوں اندر کا موسم اور ہے باہر کے موسم سے
کہ جب رونق ہے ہر جانب تو ہم بیزار ملتے ہیں
صبیحہ صبا کا یہ شعر اعلان ہے کہ شاعری کی واحد اساس دکھ ہے۔دکھ ہی وہ مظہر ہے جو انسانوں کے مابین قابل عمل رشتوں کی بنیاد بن سکتا ہے۔ یہ رشتے ذات کے دکھ کے حوالے سے سماجی دکھ کی تفہیم میں معاون بنتے ہیں۔ شاعری کا موسم لکھنے والے کے اندر کا موسم ہے۔ جب کبھی انسان کے اندر کا موسم معروضی حالات کے تحت جسم و جاں میں شورش بپا کرتا ہے تو یہی وہ لمحات ہوتے ہیں جب شاعری جنم لیتی ہے اور یہی وہ لمحات ہوتے ہیں جب انسان کے اندر سے ایک چیخ برآمد ہوتی ہے اور یہ لمحات ہوتے ہیں دکھ کے، اداسی کے۔ ۔۔۔