تخلیقات

پیر، 22 ستمبر، 2014

کل شب لگائی نیند کے چھونکے نے دل پہ نقب ۔۔ ڈاکٹر صباحت عاصم واسطی

ڈاکٹر صباحت عا صم واسطی

پیکر پسِ غبار چھپا لے گئی ہوا

تجھکو مری نظر سے بچا لے گئی ہوا

کل شب لگائی نیند کے چھونکے نے دل پہ نقب

طشتِ خیال یار اٹھا لے گئی ہوا

خوشبو ترے بدن کی رہی ساتھ چند سانس

لائی تھی اپنے ساتھ ہوا لے گئی ہوا

رکھے تھے میری میز پر کچھ پھول کچھ خطوط

کھڑکی کھلی ملی تو اڑا لے گئی ہوا

قائم نہ رکھ سکا تری تصویر ریت پر

صحرا میں جو بھی نقش بنا لے گئی ہوا

دو چار سانس کر دئیے خیرات کیا ہوا

لاچار گانِ دم کی دعا لے گئی ہوا

مائل کیا خرامِ زیاں خیز کی طرف

صحرا کی سمت ابر بہا لے گئی ہوا

عاصم گلِ نہال ہے یوں بھی زیاں فروغ

مہکار لے گئی بھی تو کیا لے گئی ہوا

کوئی تبصرے نہیں:

ایک تبصرہ شائع کریں

سبسکرائب کریں در: تبصرے شائع کریں (Atom)

دل درد آشنا ، افکارِ جدید کی شاعری تحریر:رضاالحق صدیقی

یہ کیوں اندر کا موسم اور ہے باہر کے موسم سے
کہ جب رونق ہے ہر جانب تو ہم بیزار ملتے ہیں
صبیحہ صبا کا یہ شعر اعلان ہے کہ شاعری کی واحد اساس دکھ ہے۔دکھ ہی وہ مظہر ہے جو انسانوں کے مابین قابل عمل رشتوں کی بنیاد بن سکتا ہے۔ یہ رشتے ذات کے دکھ کے حوالے سے سماجی دکھ کی تفہیم میں معاون بنتے ہیں۔ شاعری کا موسم لکھنے والے کے اندر کا موسم ہے۔ جب کبھی انسان کے اندر کا موسم معروضی حالات کے تحت جسم و جاں میں شورش بپا کرتا ہے تو یہی وہ لمحات ہوتے ہیں جب شاعری جنم لیتی ہے اور یہی وہ لمحات ہوتے ہیں جب انسان کے اندر سے ایک چیخ برآمد ہوتی ہے اور یہ لمحات ہوتے ہیں دکھ کے، اداسی کے۔ ۔۔۔