غزل ۔۔۔ناز بٹ

چمن سا دشت تا حدِ نظر کتنا حسیں ہے

تو میرا ھم قدم ھے تو سفر کتنا حسیں ہے

مری جانب لپکتی منزلوں سے پوچھ لینا

کسی کے ساتھ چلنے کا ھُنر کتنا حسیں ہے

وہ میرے سامنے بیٹھا ھوا ھے میرا ھو کر

دعائے نیم شب کا یہ اثر کتنا حسیں ھے

زہےقسمت کہ سایہ دار بھی ہے، با ثمر بھی

مرے سر پر محبت کا شجر کتنا حسیں ہے

عجب خواب آشنا آنکھیں ھوئی ھیں وصل کی شب

کُھلی ہے آنکھ تو رنگ ِ سحر کتنا حسیں ہے

میں ہنستی کھیلتی ہوں جس کے خواب ِ نارسا میں

مرا احساس ِ حسرت ہے مگر کتنا حسیں ہے

نہیں ہے ناز کم جنت سے میرا آشیانہ

محبت سے مزئین میرا گھر کتنا حسیں ہے