تخلیقات

بدھ، 4 دسمبر، 2013

غزل ۔ سحر تاب رومانی

اک صدائے ناز سنتا رہتا ہوں

زندگی کا ساز سنتا رہتا ہوں

ایک دھن ترتیب پاتی رہتی ہے

آپکی آواز سنتا رہتا ہوں

نقطہ_ انجام سے واقف نہیں

نغمہ_ آغاز سنتا رہتا ہوں
خامشی کرتی ہے جب مجھ سے کلام
اسکے میں الفاظ سنتا رہتا ہوں

سن نہیں سکتا ہوں میں اب اور کچھ

بس وہی آواز سنتا رہتا ہوں

اور پر اسرار ھے کتنی حیات ؟

خامشی کے راز سنتا رہتاہوں

کوئی تو ہو بولنے والا سحر

اپنی ہی آواز سنتا رہتا ہوں

کوئی تبصرے نہیں:

ایک تبصرہ شائع کریں

دل درد آشنا ، افکارِ جدید کی شاعری تحریر:رضاالحق صدیقی

یہ کیوں اندر کا موسم اور ہے باہر کے موسم سے
کہ جب رونق ہے ہر جانب تو ہم بیزار ملتے ہیں
صبیحہ صبا کا یہ شعر اعلان ہے کہ شاعری کی واحد اساس دکھ ہے۔دکھ ہی وہ مظہر ہے جو انسانوں کے مابین قابل عمل رشتوں کی بنیاد بن سکتا ہے۔ یہ رشتے ذات کے دکھ کے حوالے سے سماجی دکھ کی تفہیم میں معاون بنتے ہیں۔ شاعری کا موسم لکھنے والے کے اندر کا موسم ہے۔ جب کبھی انسان کے اندر کا موسم معروضی حالات کے تحت جسم و جاں میں شورش بپا کرتا ہے تو یہی وہ لمحات ہوتے ہیں جب شاعری جنم لیتی ہے اور یہی وہ لمحات ہوتے ہیں جب انسان کے اندر سے ایک چیخ برآمد ہوتی ہے اور یہ لمحات ہوتے ہیں دکھ کے، اداسی کے۔ ۔۔۔